ការវះកាត់ Neymar ត្រូវបានគ្រូពេទ្យក្រុមជម្រើសជាតិប្រេស៊ីលជាអ្នកសម្រេចចិត្ត
អ្្នកចាត់ការក្លឹប PSG គឺលោក Unai Emery បានបញ្ជាក់ថាការសម្រេចបញ្ជូន Neymar ទៅវះកាត់នៅមាតុភូមិរបស់គេ គឹឺធ្វើឡើងពីរបីថ្ងៃក្រោយពិគ្រោះយោបល់ជាមួយគ្រូពេទ្យក្រុមជម្រើសជាតិប្រេស៊ីល។
Neymar នឹងត្រូវបញ្ជូនទៅវះកាត់នៅមាតុភូមិរបស់ខ្លួន ហើយនឹងត្រូវខកខានការប្រកួត Champions League ជើងទីពីរទល់នឹង Real Madrid ហើយមិនទាន់ដឹងថាអាចនឹងលេងឲ្យជម្រើសជាតិប្រេស៊ីលក្នុងប្រកួត World Cup បានដែរ ឬ យ៉ាងណានោះទេ។
ប្រធានក្លឹប PSG គឺលោក Nasser Al-Khelaifi បានបញ្ជាក់ទៅកាន់អ្នកគាំទ្រថា “PSG គ្មានជម្រើសអ្វីផ្សេងក្រៅពីបញ្ជូន Neymar ទៅទទួលការវះកាត់របួសជើងនៅប្រទេសកំណើតរបស់គេឡើយ”។
គួររំលឹកផងដែរថា Neymar បានរងរបួសធ្ងប់ធ្ងរនៅត្រង់ជើង ក្នុងជំនួបស៊ីសាច់ហុតឈាមតទល់នឹងក្លឹប Marseille ដែលទទួលបានជ័យជម្នះក្នុងលទ្ធផល ៣-០ កាលពីថ្ងៃអាទិត្យមុននេះ ក្នុងក្របខ័ណ្ឌ Ligue 1។
កីឡាករដែលមានតម្លៃខ្លួនថ្លៃបំផុតរបស់ពិភពលោករូបនេះនឹងត្រូវវះកាត់ ហើយយ៉ាងហោចណាស់ក៏ត្រូវខកខានប្រកួត ៦ សប្តាហ៍ដែរ។ រូបគេនឹងត្រូវវះកាត់ដោយ វេជ្ជបណ្ឌិត Rodrigo Lasmar អមដោយ លោកសាស្ត្រាចារ្យ Saillant ដែលតំណាងឲ្យ PSG។”
រក្សាសិទ្ធដោយ : ថុល សុផាន់ណា
No comments:
Post a Comment