ឈ្នះមួយប្រកួតនៅស៊ីហ្គេម បាល់ទាត់ U22 កម្ពុជា នឹងបានម្នាក់២ពាន់ដុល្លារ

សមាជិកក្រុមបាល់ទាត់ជម្រើសជាតិកម្ពុជា អាយុក្រោម២២ឆ្នាំ នឹងទទួលបានម្នាក់២០០០ដុល្លារអាមេរិកពីក្រុមហ៊ុនស្រាបៀរអង្គរ ក្នុងជ័យជម្នះមួយលើកៗនៅព្រឹត្តិការណ៍ស៊ីហ្គេម ២០១៧ នៅប្រទេសម៉ាឡេស៊ី នៅ២សប្ដាហ៍ទៀត។ នេះបើតាមឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា។

គួរបញ្ជាក់ថា U22 កម្ពុជា ស្ថិតនៅពូល B នៃព្រឹត្តិការណ៍ស៊ីហ្គេម ជាមួយនឹងថៃ, វៀតណាម, ឥណ្ឌូនេស៊ី, ទីម័រខាងកើត និង ហ្វីលីពីន៕

នាំមកជូនដោយ : KhmerBall.Com

Ronaldo ចង់ត្រលប់ទៅអង់គ្លេសវិញ ព្រោះរឿងដដែលៗ

ខ្សែប្រយុទ្ធឆ្នើមក្នុងពិភពលោក Cristiano Ronaldo បានសម្ដែងការមិនពេញចិត្តចំពោះការចោទប្រកាន់ថា មិនបានបង់ពន្ធនៅប្រទេសអេស្ប៉ាញ និងបានបង្ហាញគំនិតចង់វិលត្រឡប់ទៅប្រទេសអង់គ្លេសវិញ។

តារាបាល់ទាត់របស់ក្លឹប Real Madrid រូបនេះត្រូវបានគេចោទប្រកាន់ពីបទបោកបញ្ឆោតអាជ្ញាធរពន្ធដារអេស្ប៉ាញក្នុងតម្លៃ ១៤.៧ លានអឺរ៉ូ។ ពាក់ព័ន្ធបញ្ហានេះ Ronaldo បាននិយាយថា ៖ « នៅប្រទេសអង់គ្លេស ខ្ញុំមិនដែលជួបបញ្ហាទាំងអស់នេះទេ។ នេះជាមូលហេតុដែលធ្វើឲ្យខ្ញុំចង់ត្រលប់ទៅអង់គ្លេសវិញ » ។

មិនតែប៉ុណ្ណោះអតីតតារាឆ្នើម Manchester United រូបនេះបន្ថែមទៀតថា « ខ្ញុំតែងតែបង់ពន្ធរបស់ខ្ញុំជានិច្ច មិនថានៅប្រទេសអង់គ្លេស ឬប្រទេសអេស្ប៉ាញ»។ ការនិយាយបែបនេះក្រោយរូបគេចេញមុខប្រកែកម្ដងហើយម្ដងទៀត ជុំវិញការចោទប្រកាន់របស់អាជ្ញាធរពន្ធដារអេស្ប៉ាញ៕

នាំមកជូនដោយ : KhmerBall.Com

ទៅដល់ PSG ភ្លាម Neymar រកចំណូលឲ្យក្លឹបបានប្រាក់លានដុល្លារត្រឹមថ្ងៃដំបូង

គិតត្រឹម១ថ្ងៃដំបូង នៅថ្ងៃសុក្រម្សិលមិញ PSG លក់អាវយឺត ម្ចាស់អាវលេខ 10 Neymar បានជាង១លានអឺរ៉ូ។ ទឹកប្រាក់សរុបនេះបានមកពីការលក់អាវចំនួន ១០ ០០០ អាវ ដែលអាវមួយមានតម្លៃ ជាង១០០ អឺរ៉ូ។

បើសិនក្លឹបរបស់មហាសេដ្ឋីប្រទេសកាតា អាចបន្តលក់ដាច់ដូច្នេះរហូត អ៊ីចឹងក្លឹបនឹងអាចកើបលុយមកវិញ ក្នុងការទិញតារាវ័យក្មេងសញ្ជាតិប្រស៊ីល ២២២ លានអឺរ៉ូ នៅពាក់កណ្ដាល ខែមីនាឆ្នាំក្រោយ ក្នុងរដូវកាលដំបូងសម្រាប់កុងត្រា៥ឆ្នាំរបស់ Neymar។ នេះបើតាម Channel Newsasia។

យ៉ាងណាក្តី ចំណូលពីការលក់អាវយឺតមិនមែនបានមកក្លឹបទាំងអស់ទេ គឺត្រូវចែកគ្នាជាមួយក្រុមហ៊ុនផលិតខោអាវយីហោ Nike។

Neymar បានផ្ទេរពី Barcelona មកក្លឹបយក្សបារាំង PSG ក្នុងតម្លៃថ្លៃបំផុត ក្នុងកំណត់ត្រាបាល់ទាត់ ជាមួយទំហំទឹកប្រាក់ ២២២លានអឺរ៉ូ៕

នាំមកជូនដោយ : KhmerBall.Com

ឃើញ PSG ទិញ Neymar, Monaco ចាប់ផ្ដើមទិញខ្សែប្រយុទ្ធដែរ

ជើងឯកលីគ ១ របស់បារាំងកាលពីរដូវកាលមុន AS Monaco បានដេញថ្ងៃខ្សែប្រយុទ្ធជម្រើសជាតិឈីលី Alexis Sanchez នូវទឹកប្រាក់ចំនួន ៤៥លានផោននេះបើតាមសារព័ត៌មានអង់គ្លេស The Sun ។

អ្នកចាត់ការទូទៅរបស់ Arsenal លោក Arsene Wenger បានចេញមុខបដិសេធរួចមកហើយថា ខ្សែប្រយុទ្ធជម្រើសជាតិឈីលីរូបនេះមិនមែនសម្រាប់លក់នោះទេ។ ប៉ុន្តែដោយឃើញគូប្រជែងក្នុងលីគ ១ របស់បារាំងដូចគ្នា PSG បានទិញ Neymar ក្នុងតម្លៃ ២២២លានអឺរ៉ូពី Barcelona ធ្វើឲ្យ Monaco នៅមិនសុខក៏ចាប់ផ្ដើមដេញថ្លៃ Sanchez តែម្ដង។

ទោះជាយ៉ាងណា Sanchez កំពុងត្រូវបានក្លឹប Man City តាមប្រមាញ់ដូចគ្នាកាលពីពេលកន្លងទៅ ជាមួយគ្នានោះ PSG ក៏ធ្លាប់ចាប់អារម្មណ៍ខ្សែប្រយុទ្ធជម្រើសជាតិឈីលីនេះដែរ។ ប៉ុន្តែ PSG ទំនងផ្អាកការទិញកីឡាករហើយ ក្រោយជោគជ័យទិញបាន Neymar ៕

នាំមកជូនដោយ : KhmerBall.Com

Neymar៖ ខ្ញុំចេញពី Barca គឺធ្វើតាមបេះដូង មិនមែនដោយសារ Messi ទេ

មុននេះបន្តិច ក្លឹបយក្សបារាំង PSG បានធ្វើសន្និសីទកាសែតបង្ហាញជាផ្លូវការរបស់ Neymar ដែលទើបតែផ្ទេរពី Barcelona កាលពីព្រឹកមិញក្នុងតម្លៃថ្លៃបំផុតក្នុងកំណត់ត្រាបាល់ទាត់ ជាមួយនឹងទំហំទឹកប្រាក់ ២២២លានអឺរ៉ូ។

កីឡាករសញ្ជាតិប្រេស៊ីលរូបនេះ បានឆ្លើយតបទៅនឹងសំណួរជាច្រើនពីសំណាក់អ្នកសារព័ត៌មាន ដែលក្នុងនោះកមានសំណួរទាក់ទងនឹងមូលហេតុនៃការចាកចេញរបស់រូបគេ និងម្ចាស់ពាន Ballon D'or ៥ សម័យ Messi ផងដែរ។

ទាក់ទងនឹងសំណួរគេបានសួរថា តើ Neymar ចាកចេញពី Barca ដោយសារ Messi? កីឡាករវ័យ២៥ឆ្នាំបានបដិសេធ ហើយថែមទាំងសរសើរ Messi និងថាកីឡាករឆ្នើមរបស់អាហ្សង់ទីនរូបនេះ គឺជាកីឡាករដែលខ្លួនយកគំរូតាម។

ចំពោះមូលហេតុនៃការមកក្លឹបយក្សបារាំងនេះវិញ Neymar បានឆ្លើយថា "បេះដូងរបស់ខ្ញុំប្រាប់ខ្ញុំថាដល់ពេលទៅ Paris Saint-Germain ហើយ"។ "ខ្ញុំពិតជារីករាយខ្លាំងណាស់ ខ្ញុំមិនអាចបរិយាយអារម្មណ៍ពេលនេះបានទេ។ ខ្ញុំមកទីនេះដើម្បីជួយក្រុមឈ្នះពានជាច្រើនតាមដែលអាចធ្វើបាន។ ខ្ញុំមកដើម្បីក្រេបការប្រកួតប្រជែងថ្មី និងឈ្នះពាន"។ សម្ដី Neymar.

ក្នុងអំឡុងពេលលេងឲ្យក្លឹប Barca អស់រយៈពេល ៤រដូវកាល កីឡាករវ័យ២៥ឆ្នាំរូបនេះស៊ុតបញ្ចូលទី បាន ៦៨គ្រាប់ បញ្ជូនឲ្យមិត្តរួមក្រុមបាន ៣៨ គ្រាប់ និងបង្កើតឱកាសក្នុងការស៊ុតរហូតដល់ទៅ ២៨៧ ដង។ Neymar នឹងពាក់អាវលេខ ១០ នៅក្នុង PSG៕

* នាំមកជូនដោយ: KhmerBall Live

Khmer Ball.Com

Friday, August 4, 2017

ឈ្នះមួយប្រកួតនៅស៊ីហ្គេម បាល់ទាត់ U22 កម្ពុជា នឹងបានម្នាក់២ពាន់ដុល្លារ

Friday, August 4, 2017

ឈ្នះ​មួយ​ប្រកួតនៅស៊ីហ្គេម បាល់ទាត់​ U22 កម្ពុជា នឹង​បាន​ម្នាក់២ពាន់ដុល្លារ​

ឈ្នះមួយប្រកួតនៅស៊ីហ្គេម បាល់ទាត់ U22 កម្ពុជា នឹងបានម្នាក់២ពាន់ដុល្លារ