គិតត្រឹម១ថ្ងៃដំបូង នៅថ្ងៃសុក្រម្សិលមិញ PSG លក់អាវយឺត ម្ចាស់អាវលេខ 10 Neymar បានជាង១លានអឺរ៉ូ។ ទឹកប្រាក់សរុបនេះបានមកពីការលក់អាវចំនួន ១០ ០០០ អាវ ដែលអាវមួយមានតម្លៃ ជាង១០០ អឺរ៉ូ។
បើសិនក្លឹបរបស់មហាសេដ្ឋីប្រទេសកាតា អាចបន្តលក់ដាច់ដូច្នេះរហូត អ៊ីចឹងក្លឹបនឹងអាចកើបលុយមកវិញ ក្នុងការទិញតារាវ័យក្មេងសញ្ជាតិប្រស៊ីល ២២២ លានអឺរ៉ូ នៅពាក់កណ្ដាល ខែមីនាឆ្នាំក្រោយ ក្នុងរដូវកាលដំបូងសម្រាប់កុងត្រា៥ឆ្នាំរបស់ Neymar។ នេះបើតាម Channel Newsasia។
យ៉ាងណាក្តី ចំណូលពីការលក់អាវយឺតមិនមែនបានមកក្លឹបទាំងអស់ទេ គឺត្រូវចែកគ្នាជាមួយក្រុមហ៊ុនផលិតខោអាវយីហោ Nike។
Neymar បានផ្ទេរពី Barcelona មកក្លឹបយក្សបារាំង PSG ក្នុងតម្លៃថ្លៃបំផុត ក្នុងកំណត់ត្រាបាល់ទាត់ ជាមួយទំហំទឹកប្រាក់ ២២២លានអឺរ៉ូ៕
នាំមកជូនដោយ : KhmerBall.Com
No comments:
Post a Comment