លោក ពេជ្រ ស្រស់ ប្រកាស លើកទឹកចិត្ត 5,000 $ដល់ កីឡាករណា ដែល ផ្តួល កីឡាករ សែនស្ថាន បានជោគជ័យ

                                                           

ភ្នំពេញ៖ លោក ពេជ្រ ស្រស់ ប្រធាន គណបក្ស យុវជនកម្ពុជា  បានសសេរសារប្រកាស  ផ្តល់ប្រាក់រង្វាន់លើកទឹកចិត្ត ដល់កីឡាករណាដែលអាច ផ្តួលកីឡាករ សែនស្ថាន តារា Thai Fight បាន លោកនិងផ្តល់ប្រាក់ចំនួន៥ពាន់ដុល្លារ ។

ការប្រកាស ផ្តល់ប្រាក់លើកទឹកចិត្តរបស់ លោក ពេជ្រ ស្រស់ បានធ្វើឡើងបន្ទាប់ពី មានការ ឌឺដងពីតារាថៃហ្វៃ សែនស្ថាន  ហៅ អ្នកប្រដាល់ កម្ពុជា មកប្រកួតមួយណាក៏បាន ។

លោកពេជ្រ ស្រស់ សរសេរសារបង្ហោះនៅលើបណ្តាញសង្គមរបស់លោក ថា «បើមានកីឡាករគុនខ្មែរណាមួយផ្តួល កីឡាករសៀមនេះបាន(ចោរសៀម) ខ្ញុំជូនថវិកាលើកទឹកចិត្ត 5,000 $$។ ពូជខ្មែរជាពូជប្រយុទ្ធមិនអាចអោយជន បរទេសណាមួយមើលងាយបានឡើយ។  យើងរួមគ្នាលើកគុណតម្លៃវិស័យគុនខ្មែរ។ ២០/៤/២០១៨

សូមរំលឹកថា ក្រោយបញ្ចប់ព្រឹត្តិការណ៍ Thai Fight កាលពីថ្ងៃសៅរ៍កន្លងទៅដោយយកឈ្នះលើ ឡុង សុវណ្ណឌឿន ក្នុងទឹកទី ១ គណនីបណ្ដាញសង្គមរបស់ សែនស្ថាន ទទួលរងនៅការវាយឡុកពីសំណាក់អ្នកគាំទ្រប្រដាល់ខ្មែរ ដែលមិនពេញចិត្តចំពោះការផ្គូផ្គង ព្រមទាំងបោះពាក្យឌឺដងជើងខ្លាំងទម្ងន់ ៧០គ.ក្រ រូបនេះថា បើខ្លាំងសាកនិង ធឿន ធារ៉ា ទៅ។ ឆ្លើយតបនិងខមមិនរបស់អ្នកគាំទ្រខ្មែរម្នាក់ សែនស្ថាន ដែលធ្លាប់ផ្ដួល ឡុង សុភី ត្រឹមទឹកទី ១ ដែរនោះ បានឆ្លើយតបយ៉ាងខ្លីថា «ដាក់មក ខ្ញុំចាំទទួល»។ នេះជាប្រតិកម្មដ៏ខ្លីមួយរបស់អ្នកប្រដាល់ ថៃហ្វៃត៍ ក្រោយទទួលរងការវាយឡុកពីសំណាក់អ្នកគាំទ្រ គុនខ្មែរ ហើយក៏ធ្លាប់កើតឡើងចំពោះអ្នកប្រដាល់ថៃផ្សេងៗ

កន្លងមកទំព័រ Facebook របស់ Thai Fight ពុំសូវមានការបញ្ចេញមតិរបស់ជនជាតិថៃឬបរទេសប៉ុន្មានទេ ប៉ុន្តែបែជាទទួលបានចំណាប់អារម្មណ៍ខ្ពស់គីប្រជាជន កម្ពុជា និង ភូមា ទៅវិញ។ បើទោះបីជាអ្នកប្រើប្រាស់បណ្ដាញសង្គមFacebook របស់ កម្ពុជា តែងកាត់តរូបភាពផ្គូផ្គងកីឡាករ ថៃហ្វៃត៍ និង កម្ពុជា ក្ដី តែក្រុមហ៊ុនមួយនេះហាក់មិនបានចាប់អារម្មណ៍អ្វីឡើយ និងយូរៗម្ដងតែងឆ្មក់បញ្ឈឺអ្នកគាំទ្រ គុនខ្មែរ តាមរយៈយុទ្ធសាស្ត្រផ្គូផ្គងបែប «បំបាក់ផុយៗ»

យ៉ាងណាមិញ ធឿន ធារ៉ា ជាកីឡាករប្រចាំ Max Muay Thai តែប៉ុណ្ណោះ ហើយកន្លងមក កម្មវិធីប្រដាល់របស់ប៉ុស្តិ៍លេខ ៨ នេះក៏មានវិវាទនិងក្រុមហ៊ុន Thai Fight រហូតដល់ប្ដឹងគ្នាដល់តុលាការ។ លើសពីនេះការប្រឡូកក្នុងកម្មវិធី Thai Fight ជាការប្រថុយដ៏គ្រោះថ្នាក់មួយ ព្រោះស្ថាប័នរៀបចំប្រដាល់មួយនេះគ្មានមនោសញ្ចេតនាលើអ្នកប្រដាល់បរទេសដូចMax Muay Thai ឡើយ។

រក្សាសិទ្ធិដោយ: ថុល សុផាន់ណា

ដោយមានការគាំទ្រដោយ : Page Khmer Ball Live 

                                          188BET CAMBODIA