PSG តែងតាំងអតីតគ្រូ Dortmund ជាអ្នកចាត់ការថ្មី 

Paris Saint Germain បានតែងតាំងលោក Thomas Tuchel ជាអ្នកចាត់ការថ្មីនៅថ្ងៃចន្ទ ទី១៤ ឧសភា។

លោក Tuchel ដែលនៅទំនេរក្រោយចេញពីក្លិបនៅលីគកំពូលអាល្លឺម៉ង់ កាលខែឧសភា ២០១៧ បានចុះកិច្ចសន្យាចំនួន២ឆ្នាំ។

បុរសវ័យ៤៤ឆ្នាំខាងលើបានចំណាយពេល២រដូវកាលនៅ Dortmund ជំនួសកៅអីលោក Jurgen Klopp ដែលចេញទៅដឹកនាំ Liverpool កាលឆ្នាំ២០១៥។

លោក Tuchel នឹងកាន់ការងារចំនួនលោក Unai Emery ដែលទើបនាំ PSG ឈ្នះជើងឯកក្នុងស្រុក៣កម្មវិធីផ្សេងគ្នា តែមិនត្រូវបានផ្ដល់កិច្ចសន្យាថ្មីឡើយ។

ប្រធានក្លិប PSG អះអាងថា លោក Tuchel គឺជាគ្រូបង្វឹកដែលមានភាពប្រកួតប្រជែងខ្ពស់ប្រកបដោយមហិច្ឆតាខ្ពស់៕

កែសម្រួលដោយ : លោក ថុល សុផាន់ណា 

រាជធានីភ្នំពេញ , 15.ឧសភា.2018